Friday, March 31, 2006
靠嗅覺覓食
[老細,俾下面,試一啖先啦...]孕婦在the first trimester期間,一般都會有morning sickness.成日都有作嘔作悶的感覺,口味五時花六時變.
記得豬爸爸好鐘意講一個故事,話說我還在豬媽媽個肚的時候,豬媽媽的胃ロ反覆無常.有一晚坐在床上,準備休息,忽聞樓下小販大叫「好靚白糖糕呀!」豬媽媽食指大動!豬爸爸則馬上從床上彈起,衝落樓買白糖糕待奉老婆.只消9秒9的時間,白糖糕已放在面前.氣急敗壞的豬爸爸滿以為老婆一定會好感動,怎料豬媽媽看了一眼,嗅了一下,淡淡地說:「依家又唔想食」...平時就真係火都來,但老婆有身孕就是這個樣子,唯有再學多次謙卑和忍耐的功課...所以各位女士,千祈唔好話老公唔駛生BB好歎,如果在懷孕期間,你的生活起居得到充份照顧,你老公有不少汗馬功勞!
而據我個人觀察,孕婦覓食不是睇價錢,睇菜式,而係靠嗅覺.所以依家同老婆豬出街食飯,要去逐家餐廳的門口,打開門,讓她嗅一嗅,氣味對了,就進去,管他是吃什麼的.
Labels: 懷孕經歷
