Friday, May 26, 2006
小豬欄大旅行
Make a Living, and Have a Life!
這是養豬人經營小豬欄其中一項原則,所以由結婚開始,就同老婆豬夾定,每個月無論賺多賺少都好,都要儲少少錢落旅行基金,作為一年一度小豬欄大旅行嘅水腳.
而為咗有效控制支出,以免去旅行去到破產,可以have a life,但唔夠make a living,我地仲計劃咗一年去「大trip」,一年去「細trip」.
「細trip」者,唔駛坐飛機;
「大trip」者,要坐飛機,或者要出國.
本來今年係去細trip,不過因為小豬B下年出世無耐,應該唔走得好遠,所以今年會轉為去大trip.今年大trip係坐大船船去亞拉斯加,聽朝一早就出發,去一個星期.回來一定會同大家分享下固中趣事.
記得以前,豬媽媽一直都冇帶我去台灣玩,理由係已經帶過我去,只不過我當時晌佢個肚入面.
今次,帶埋肚裡面嘅小豬B去,日後佢叫我帶佢去亞拉斯加,我會話佢知佢已經去過.要去等結咗婚,自己儲錢去;)
這是養豬人經營小豬欄其中一項原則,所以由結婚開始,就同老婆豬夾定,每個月無論賺多賺少都好,都要儲少少錢落旅行基金,作為一年一度小豬欄大旅行嘅水腳.
而為咗有效控制支出,以免去旅行去到破產,可以have a life,但唔夠make a living,我地仲計劃咗一年去「大trip」,一年去「細trip」.
「細trip」者,唔駛坐飛機;
「大trip」者,要坐飛機,或者要出國.
本來今年係去細trip,不過因為小豬B下年出世無耐,應該唔走得好遠,所以今年會轉為去大trip.今年大trip係坐大船船去亞拉斯加,聽朝一早就出發,去一個星期.回來一定會同大家分享下固中趣事.
記得以前,豬媽媽一直都冇帶我去台灣玩,理由係已經帶過我去,只不過我當時晌佢個肚入面.
今次,帶埋肚裡面嘅小豬B去,日後佢叫我帶佢去亞拉斯加,我會話佢知佢已經去過.要去等結咗婚,自己儲錢去;)
Thursday, May 25, 2006
廁所神學
[侄仔國臨豬,就快3歲.雖然人仔細細,不過單睇個樣,就知佢轉數快!]
有一次,豬嬤嬤同國臨豬出街食飯,食到一半國臨豬人有三急,豬嬤嬤就帶佢去廁所.
廁所內燈光昏暗,國臨豬有d驚.
豬嬤嬤安慰佢話:「唔駛驚,有天父看顧你.」
國臨豬問:「天父晌邊呀?」
「天父常常都晌你身邊.」
國臨豬稔咗一陣:「嬤嬤,噤你係咪天父?」
「嬤嬤唔係天父,天父住晌你個心裡面.」
「噤係咪好似EnochBB晌嬸嬸裡面?」
豬嬤嬤額角開始滴汗:「個肚同個心係唔同嘅...」
國臨豬又稔咗陣:「噤係咪好似我掛住EnochBB,嬤嬤又掛住EnochBB,噤EnochBB就又晌我個心裡面,又晌嬸嬸個心裡面?」
「...差...差唔多喇...」
Labels: 養豬大家庭
Tuesday, May 23, 2006
養豬者言 (四)
Friday, May 19, 2006
大男人新定義
大男人,係不少人對日本男人嘅印象.原來晌日本仲有個大男人協會!
協會嘅宗旨係要培育出新一代嘅大男人.究竟新一代嘅大男人係點嘅呢?睇睇該協會嘅「大男人新定義」就知道.
「大男人新定義」共有10項:‧‧
1. 愛太太超過3年
[...點解只係3年噤少...]
2. 幫手做家務
[相信好多女人都會贊成.正所謂愛心無行為係死嘅!]
3. 不曾有外遇
[好明顯啦!]
4. 以女士為先
[即係話,要考慮女士嘅睇法同感受.晌屋企就當然要更顧及老婆嘅睇法同感受啦.]
5. 出街散步要拖住太太隻手
[我識得有d老公/男朋友,好強調講心,所以行街唔會拖手仔.不過有時適當嘅physical touch都好重要,唔駛下下都玩心對心無線上網下載.
當然,女士們就唔好要老公/男朋友幫你揪住噤多0野,唔係邊有手拖你.]
6. 認真聽太太說話
[當然太太都要講得認真d,要有point,唔好乜都納埋一齊講.]
7. 婆媳問題要一晚就解決
[...呢項...好視乎國情嘅...總之就盡力啦,唔好扮晒中立國,置身事外.]
8. 講多謝毫不猶豫
[即係太太/女朋友照顧你,在背後默默支持你,唔好當老奉!]
9. 道歉絕不忸怩
[知衰,係有自我反省能力嘅表現;真心認錯,要有健康嘅自我形象,同好高嘅修養先做得到,所以認錯絕不會打擊男性尊嚴.]
10. 大方地同太太講:「我愛你!」
[做齊以上9項,再加句「我愛你」,肯定Lum死啦!]
協會嘅宗旨係要培育出新一代嘅大男人.究竟新一代嘅大男人係點嘅呢?睇睇該協會嘅「大男人新定義」就知道.
「大男人新定義」共有10項:‧‧
1. 愛太太超過3年
[...點解只係3年噤少...]
2. 幫手做家務
[相信好多女人都會贊成.正所謂愛心無行為係死嘅!]
3. 不曾有外遇
[好明顯啦!]
4. 以女士為先
[即係話,要考慮女士嘅睇法同感受.晌屋企就當然要更顧及老婆嘅睇法同感受啦.]
5. 出街散步要拖住太太隻手
[我識得有d老公/男朋友,好強調講心,所以行街唔會拖手仔.不過有時適當嘅physical touch都好重要,唔駛下下都玩心對心無線上網下載.
當然,女士們就唔好要老公/男朋友幫你揪住噤多0野,唔係邊有手拖你.]
6. 認真聽太太說話
[當然太太都要講得認真d,要有point,唔好乜都納埋一齊講.]
7. 婆媳問題要一晚就解決
[...呢項...好視乎國情嘅...總之就盡力啦,唔好扮晒中立國,置身事外.]
8. 講多謝毫不猶豫
[即係太太/女朋友照顧你,在背後默默支持你,唔好當老奉!]
9. 道歉絕不忸怩
[知衰,係有自我反省能力嘅表現;真心認錯,要有健康嘅自我形象,同好高嘅修養先做得到,所以認錯絕不會打擊男性尊嚴.]
10. 大方地同太太講:「我愛你!」
[做齊以上9項,再加句「我愛你」,肯定Lum死啦!]
Labels: 鎖碎事
Wednesday, May 17, 2006
養豬者言 (三)
Monday, May 15, 2006
愉快的半天
今朝一早起床,吃過早餐,就返學校做research.
今次做research嘅效率超高,只消一個鐘就借了30本書!限時一個鐘,因為唔想俾更多泊車錢;一次過借30本書,因為住得遠,費時過兩日又要再來,慳番d車油錢.
回家的路上,見到一間半開放式嘅麥記,就入去食個lunch.一邊食,一邊享受美好嘅天氣,觀察下路過的人(畢竟我都係讀哲學出身),順便稔下今晚煮咩俾老婆豬食.
食完lunch,決定要煮一煲營養羅宋湯.事關老婆豬平時唔肯食蕃茄,羅宋湯係哄佢食蕃茄最好嘅方法,於是就去了屋企附近的超級市場買料煲湯.在超級市場內的藥劑部,碰到一位藥劑師朋友,順便話佢知老婆豬有咗BB,感覺好幸福.
返到屋企,馬上開工煲湯.最雞手鴨腳嘅時候,豬媽媽可能食完飯未夠鐘開工,打電話俾我傾計...佢通常都係咁,我最唔得閒嘅時候,就會打俾我...
放晒d料入個煲之後,入書房,同30本書搏鬥...
其實生活簡簡單單,
有少少0野食,
有發奮嘅目標,
有需要你去用心照顧嘅人晌身邊,
就已經好幸福.
Sunday, May 14, 2006
給父母的信
今日係母親節,先祝各位母親們幸福愉快!
記得在結婚典禮中,我讀了一封公開信給父母,佢地聽到好感動,豬爸爸仲都係喊到豬頭噤.
呢兩日,可能因為近母親節,我又想起當日的情景,想起寫封信時的心情,好想將封信讀多次俾佢地聽...
親愛的爸爸,媽媽:
謝謝您們!
謝謝您們花了大半輩子的努力去建立一個美滿幸福的家.讓我可以在當中學會愛,體諒,寬恕,忠誠,以及其他人性中寶貴的要素.
謝謝您們對我的培育.以聖經的教導引導我走出一條忠於上帝,屬於自己的道路.以您們整個生命向我見証上帝的恩典和信實.讓我相信在上帝的愛裡,人仍然有光輝美善的一面,世界仍然是處值得發奮的地方.
更要謝謝您們對靜璧的接納和愛護,視如己出.我倆以後定必同心緊隨您們所立下的典範,繼續父家忠心竭力事奉上帝的光榮傳統.
爸媽,謝謝您們為我倆所付出的一切.雖然我倆都已長大成人,但在最困難的關頭,您們仍然是走在前頭,給予我倆最深切的關懷,支持和引導.在我和靜璧的心中,您們配得作為父母最高的榮耀和讚美.
願天父的恩惠平安常與您們同在.
兒
長仁
Labels: 養豬大家庭
Thursday, May 11, 2006
你估小豬B係男定女?
收到不少朋友的email,大部份都估小豬B係男仔,有d話估佢唔到,但就竟然無人估係囡!
有這麼多人關心小豬B,真係好開心!不過就有個疑問,點解d人係用email回覆,而唔係響comments留言...
經檢討及朋友提醒之後,發現可能係因為留言手續太麻煩,所以我就做了少少手腳.
以後留言非常簡單,只要:
1. 按comments
2. 留言
3. 在Identity選Other或者Anonymous
4. 按publish
之後就攪掂!
如果在Identity選Other,只要加上自己個名即可,email address都唔駛記錄.
希望做了這少少手腳,有多d人會同我傾計啦!
有這麼多人關心小豬B,真係好開心!不過就有個疑問,點解d人係用email回覆,而唔係響comments留言...
經檢討及朋友提醒之後,發現可能係因為留言手續太麻煩,所以我就做了少少手腳.
以後留言非常簡單,只要:
1. 按comments
2. 留言
3. 在Identity選Other或者Anonymous
4. 按publish
之後就攪掂!
如果在Identity選Other,只要加上自己個名即可,email address都唔駛記錄.
希望做了這少少手腳,有多d人會同我傾計啦!
Wednesday, May 10, 2006
小豬B首張玉照曝光
[好眼之人,不妨幫手睇睇小豬B係仔定係女?]
一路上,老婆豬顯得有點緊張.
「唔知個B點樣嘅呢?」
「係咪去到即刻有得睇架?」
也有點緊急...
事關照超聲波之前3個鐘內要飲足1公升水,而且不可以去洗手間.情況之緊急,可想而知.
去到化驗所,老婆豬先入超聲波房.隔了大約半個鐘後,才召我入房.
在螢光幕上,第一次看見幾個月來悉心照料的小豬B的廬山真面目.
原本以為佢係安靜地躺臥著,但卻見佢動作多多,仲不時做蜈蚣彈等高難度動作.
睇住佢手舞足蹈,我的心也隨著起舞.
那份親切,感動,無法言喻.
就是到現在,當我將手輕按在老婆豬的大肚腩上,仍然感受到小豬B那叫人雀躍的舞蹈.
一個小生命的成長,確實令人讚嘆.
想知道一個小小的細胞如何變成一個BB,可以去PBS網站,收看節目Life's Greatest Miracle.包你一邊看,一邊發出「唔係嗎!?噤都得!」的讚嘆.
Tuesday, May 09, 2006
Family Man
[老婆豬今晚突然想食米線,養豬人就下廚煮了個愛心牛仔骨魚付菜心米線給她.味道...都唔錯啦.]一直以來,「爸爸返工,媽媽煮飯」都唔係養豬人的觀念.事關由細到大,在家裡煮飯的,都是豬爸爸.原因當然唔係豬爸爸唔駛返工,而係無論幾忙,豬爸爸都會下廚.
根據養豬人多年觀察,豬爸爸經常下廚的原因主要有兩個:
1. 豬爸爸好錫豬媽媽,唔想佢太辛苦;
2. 豬爸爸手腳比較快,半個鐘可以煮起一餐飯;豬媽媽要個半鐘先煮起一味.
所以要適逢佳節,豬媽媽才會露兩手,在廚房轉上大半天,慢工出細貨.
日常的飯餐則由豬爸爸包辦.即使最忙的時候,早上讀神學,下午教書,黃昏回家,照常煮飯.
在豬爸爸多年身教下,養豬人三兄弟都視煮飯為份內事.不管在外面多威風,回到家裡,一樣掛上圍裙,煮飯切菜,做個family man.
日日自己煮,好處是又健康又經濟.但要日日有新菜式,談何容易!
介紹你去The Caring Shop網上日誌啦.每星期都有兩三個既簡單又有特色的食譜提供.正餐,甜品,樣樣都有.男孩子們想錫下女友,不妨上去學煮兩味,有助大大提高她嫁給你的機會;)
講開日誌,仲有兩個好介紹:
1. 學生中心
讀書,就是學生的事業.能成功地建立這事業,對學生一生都有好大影響.
學生中心日誌,有不同的資料和心得分享,由讀書的正確坐姿到大學入學指南,一應俱全.仲可以發言和發問,兼有podcast睇,非常實用.
2. 仁仁睇新聞
除了男女私情,也要關心國家大事!
仁仁睇新聞日誌,以抵死的筆法,同你講下城中大小事.
時事,一樣可以輕輕鬆鬆去了解.
以上推介日誌,經常更新.得閒多去,最好加埋把咀,講兩句.
最後一提,養豬人有RSS功能.
用此功能的好處,就係每次有新post,都會自動提醒你,非常實用.
Monday, May 08, 2006
寫咭
雖說是e-mail, e-card年代,但我仍然好鐘意寫咭,甚至認為係一樣無可取代的禮物.所以你可以想像,由拍拖到依家,老婆豬收到我幾多張咭!
寫咭,由揀咭開始.
記得在未拍拖之前,我都幾鐘意行mall.不過就唔係睇衫睇鞋(如果唔係我以前d衣著點會噤土),而係去精品店睇咭.揀咭就好似揀禮物俾人一樣,要配合接收者的性格,情況,和需要;也要能表達出自己的個性和品味.還有張咭摸上手的質感也很重要,因為人家未打開張咭,睇到你寫乜之前,會先摸到張咭,所以咭的質感和圖畫的意境也不能忽略.
當然,一張有個性有品味有意境的咭可能會好貴...
更重要的部份係寫.
寫作,不論長短,都代表住你自己,所以不能馬虎.特別係中國人,寫作本身就係一門藝術.
要寫得好,先由揀筆開始.
用一支靚筆寫俾人,係對別人的一種尊重.而我自己仲有一種奇怪的傾向,就係支筆唔靚,字都會寫得衰d.
揀好筆,才到落筆.
落筆,由回憶開始.
「有冇搞錯,又係開始!?」
無搞錯,要寫出既切合接收者的性格和情況,又能表達出誠意的作品,要先由回想你們彼此的關係和經歷開始.然後在這過程裡,你心中會浮現出好想好想向對方講的真心話.
當這個moment出現,要立刻抓住,將這些心底話寫下來.
寫咭,一點也不簡單.
所以我說,寫咭係一樣無可取代的禮物.
所以到現在,我仍不時會寫咭俾老婆豬.
[老婆豬大概好鐘意這張咭,長放檯頭.]
**各位男孩子,俾你地一個tips,見到又靚又平的咭,不妨先買下,in case幾時詩興大發,即刻有得用!
寫咭,由揀咭開始.
記得在未拍拖之前,我都幾鐘意行mall.不過就唔係睇衫睇鞋(如果唔係我以前d衣著點會噤土),而係去精品店睇咭.揀咭就好似揀禮物俾人一樣,要配合接收者的性格,情況,和需要;也要能表達出自己的個性和品味.還有張咭摸上手的質感也很重要,因為人家未打開張咭,睇到你寫乜之前,會先摸到張咭,所以咭的質感和圖畫的意境也不能忽略.
當然,一張有個性有品味有意境的咭可能會好貴...
更重要的部份係寫.
寫作,不論長短,都代表住你自己,所以不能馬虎.特別係中國人,寫作本身就係一門藝術.
要寫得好,先由揀筆開始.
用一支靚筆寫俾人,係對別人的一種尊重.而我自己仲有一種奇怪的傾向,就係支筆唔靚,字都會寫得衰d.
揀好筆,才到落筆.
落筆,由回憶開始.
「有冇搞錯,又係開始!?」
無搞錯,要寫出既切合接收者的性格和情況,又能表達出誠意的作品,要先由回想你們彼此的關係和經歷開始.然後在這過程裡,你心中會浮現出好想好想向對方講的真心話.
當這個moment出現,要立刻抓住,將這些心底話寫下來.
寫咭,一點也不簡單.
所以我說,寫咭係一樣無可取代的禮物.
所以到現在,我仍不時會寫咭俾老婆豬.
[老婆豬大概好鐘意這張咭,長放檯頭.]
**各位男孩子,俾你地一個tips,見到又靚又平的咭,不妨先買下,in case幾時詩興大發,即刻有得用!
Friday, May 05, 2006
一打小豬的夢想
有一次,我同老婆豬講:「我的夢想是要有12隻小豬BB!」
佢建議我去娶4個老婆...
老婆豬的言論有時都幾出位...
佢建議我去娶4個老婆...
老婆豬的言論有時都幾出位...
Wednesday, May 03, 2006
女人善忘
前兩日聽到一個非常非常之痛的故事.
話說我有一位綽號「師拉仔」的朋友,懷胎已近未聲,仲有唔夠兩個星期就到產期.不過醫生發現,佢肚裡的BB仍未「掉頭」.BB出世的最理想姿勢是頭向下,pat pat向上(head down position),但師拉仔個BB就誓不低頭,仍然係頭向上頂住阿媽個胃,這種情況叫breech position.這個姿勢最大的麻煩,就係BB唔能夠順產.
BB不肯掉頭,有什麼解救?醫生建議用「乾坤大挪移」,強行將個BB掉轉.「乾坤大挪移」的做法,就係醫生首先將BB從媽媽的盤骨裏推出來,然後就順著姿勢在肚皮外面,將BB推至180度轉向。(見下圖)
做法睇落好易,但醫生警告話,整個過程係好痛好痛...
為了BB的好處,師拉仔毅然接受挑戰!醫生果然所言不虛,一動手,師拉仔就痛得眼淚直流,喊足全程!
大挪移完成後,師拉仔已哭成淚人.但當透過超聲波檢查知道BB平安無恙後,一切的疼痛立刻就忘記了.
正如師拉仔自己話齋:「女人真是善忘,尤其是媽媽。」
想聽聽師拉仔真情分享,請到小葡萄的家.
話說我有一位綽號「師拉仔」的朋友,懷胎已近未聲,仲有唔夠兩個星期就到產期.不過醫生發現,佢肚裡的BB仍未「掉頭」.BB出世的最理想姿勢是頭向下,pat pat向上(head down position),但師拉仔個BB就誓不低頭,仍然係頭向上頂住阿媽個胃,這種情況叫breech position.這個姿勢最大的麻煩,就係BB唔能夠順產.
BB不肯掉頭,有什麼解救?醫生建議用「乾坤大挪移」,強行將個BB掉轉.「乾坤大挪移」的做法,就係醫生首先將BB從媽媽的盤骨裏推出來,然後就順著姿勢在肚皮外面,將BB推至180度轉向。(見下圖)
做法睇落好易,但醫生警告話,整個過程係好痛好痛...
為了BB的好處,師拉仔毅然接受挑戰!醫生果然所言不虛,一動手,師拉仔就痛得眼淚直流,喊足全程!
大挪移完成後,師拉仔已哭成淚人.但當透過超聲波檢查知道BB平安無恙後,一切的疼痛立刻就忘記了.
正如師拉仔自己話齋:「女人真是善忘,尤其是媽媽。」
想聽聽師拉仔真情分享,請到小葡萄的家.
Labels: 懷孕經歷
Monday, May 01, 2006
多謝支持!
[多謝晒,多謝晒,請你地食個綠茶慕絲蛋糕啦!係老婆豬在做餅老師協助下自己做的.]自從公開了養豬人這個blog,收到很多朋友的關心和支持,非常的謝謝你們!
今日收到一個email,是Auntie Flora睇過個blog之後的感想.Auntie Flora是豬爸爸和豬媽媽的多年朋友,她的分享叫我好感動:
Hi Edward,
多謝你同我們分享你養豬的故事, 除了動人之外, 你的細心,關心, 令我想起你父母第一次懷胎時的興奮. 那時你母親還在教會任職女傳道, 他們住在天台, 而我就住在附近大廈的最高七樓, 每天晚上食完飯, 都見到你爸爸扶持你母親在天台散步.
感謝神, 讓你們延續這美麗的故事, 願神祝福你太太懷孕其間食得好, 睡得好, 樣樣都好, 母子健康. 等住繼續接聽你的養豬故事.
哈利路亞!
Auntie Flora
我還收到很多朋友的電話和email,很感謝你們,也鼓勵你們多d在blog上留言,分享你自己的感受,經歷,和生活裡的小故事.
